சிறிலங்காவின் புதிய அமைச்சரவை இன்று பதவியேற்றுக் கொண்டது !

சிறி லங்காவின் புதிய முதன்மை அமைச்சர் உள்ளிட்ட புதிய அமைச்சரவை இன்று (18.11.2024) அரச தலைவர் அனுர குமார திசாநாயக்க முன்னிலையில் பொறுப்பேற்றுக் கொண்டது. அண்மையில் நடைபெற்று முடிவடைந்த அரச தலைவர் தேர்தல் மற்றும் நாடாளுமன்றத் தேர்தல்களில் தேசிய மக்கள் சக்தி பெரும்பாண்மை இடங்களில் வெற்றி பெற்றதைத் தொடர்ந்து புதிய அரசாங்கம் இன்று அரச தலைவர் செயலகத்தில் நடைபெற்ற நிகழ்வில் பொறுப்பேற்றுக் கொண்டது.

புதிய அமைச்சரவை 21 பேருக்கு மட்டுப்படுத்தப்படுவதோடு பாதுகாப்பு, நிதி ,திட்டமிடல், பொருளாதார அபிவிருத்தி, டிஜிட்டல் பொருளாதார ஆகிய அமைச்சுக்கள் ஜனாதிபதியின் கீழ் ஒதுக்கப்பட்டுள்ளன.

புதிய அரசாங்கத்தின் பிரதமராக கலாநிதி ஹரிணி அமரசூரிய பதவிப் பிரமாணம் செய்துகொண்டதுடன் அமைச்சரவை அந்தஸ்த்துள்ள அமைச்சர்கள் பின்வருமாறு,

பதவியேற்றுக் கொண்ட சிறிலங்காவின் புதிய அமைச்சரவையில் பின்வரும் விடயங்கள் கவனம் பெறுகின்றன.

1. தனியே அமைச்சரவை அமைச்சரவை அமைச்சர்கள் மட்டுமே இன்றைய தினம் பொறுப்பேற்றுக் கொண்டுள்ளனர்.
2. இரண்டு தமிழர்களிற்கு புதிய அமைச்சரவையில் இடம் வழங்கப்பட்டுள்ள போதும், தமிழ் இசுலாமியர்கள் எவருக்கும் இடம் வழங்கப்படவில்லை.
3. வடக்கு – கிழக்கைச் சேர்ந்த மக்களால் தேர்வு செய்யப்பட்ட பிரதிநிதிகள் இன்றி அமைச்சரவை பொறுப்பேற்றுள்ளமை குறிப்பிடத்தக்கது.
4. தமிழர்கள் இருவர் பதவியேற்றுக் கொண்ட தமிழர்களில் ஒருவரான இராமலிங்கம் சந்திரசேகர் தேசியப் பட்டியல் ஊடகவே பாராளுமன்றத்திற்குள் நுழைகின்றமை குறிப்பிடத்தக்கது.
5. மற்றொரு தமிழரான சரோஜா சாவித்தி போல்ராஜ் மலையத் தமிழராகக் கருதப்படுகின்ற போதிலும் பெரும்பாண்மையாக மலையக மக்கள் வசிக்கும் பகுதிகளிலிருந்தல்லாமல் மாத்தறை மாவட்டத்திலிருந்து சிங்கள மக்களின் விருப்பு வாக்குளினால் தேர்வு செய்யப்பட்டிருந்தமை குறிப்பிடத்தக்கது. மேலும் அவர் தனது பதவிப்பிரமானத்தை சிங்களத்திலேயே மேற்கொண்டிருந்தமையும் குறிப்பிடத்தக்கது.